Spikeballtournoi

Léif AVL‘er, 

Dei nächst Editioun vum Spikeballtournoie steet virun der Dier.

Beim Spikeball handelt et sech em eng Trendsportart déi duerch d`Welt ëmmer méi un Beléiftheet gewënnt. Et ass ee Spill an deem een zu 2 géint 2 géinteneen untrëtt an un deem jidderee kann deelhuelen, egal op sportlech oder manner sportlech. 

Dësen Tournoi fënnt den 28. Mee um 14:00 Auer am Westpark hannen an der Wiss statt. Den Oflaf ass wei follegt: Wann der wëllt deelhuelen mellt der iech mat ärem Coequipier oder och eenzel beim Leny(leny.nickels@avl.lu oder per messenger) un. Falls du dech eenzel umells da kriss du den Dag selwer ee Coequipier zougewiss. Den Tournoi verleeft als K.O.-System bis eng Finale steet an duerno een Gewënner feststeet. Zum Schluss vum Tournoi gëtt et dann och nach een Patt ze drénken.

Fir déi, déi nach net wëssen em wat dass et geet hei ass een klengen Video deen den Sport erkläert:

https://www.youtube.com/watch?v=tc1pEqCGWnw&t=33s

souwéi d´Reegelwierk:

https://tournaments.spikeball.com/pages/2021-official-rules

Falls d‘Wieder den Dag selwer net matspillt verleeë mir den Tournoi op ee mei sonnegen Dag mee bis lo gesäit et nach gutt aus.

D‘Gewënner kréien natierlech och ee Präis!

Mir géingen eis iwwert vill motivéiert Leit freeën.

Bis geschwënn

Äre minable Comité

Wéi ass et mat den Umeldungen?

Wann s du beim Event deelhuele wëlls, mell dech w.e.g am viraus un. Mir brauchen eng ongeféier Zuel u Leit, déi deelhuele, fir d'Event kënnen ze organiséieren.

Wann s du et awer net am Viraus wësse kanns a spontan entscheede muss ob s du laanscht kënns: Kee Problem; mir loossen och Leit eran, déi sech net am Viraus ugemellt hunn! Du kanns dech zu all Moment ofmellen.